នគរបាលព្រហ្មទណ្ឌកម្រិតស្រាលរាជធានីភ្នំពេញ បញ្ជូនចោរឆក់១១ករណីទៅ តុលាការ
23-June-2018 | ដោយ ពលមនសិការ
ភ្នំពេញ៖ លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញបានដឹកនាំកម្លាំងជំនាញស្រាវជ្រាវរហូតបានឃាត់ខ្លួនជនសង្ស័យម្នាក់ពីបទលួចមានស្ថានទម្ងន់ទោស (ឆក់សម្ភារៈប្រជាពលរដ្ឋតាមដងផ្លូវ)ចំនួន១១ករណី។ ជនសង្ស័យត្រូវបានកម្លាំងជំនាញឃាត់ខ្លួនកាលពីថ្ងៃទី២០ ខែមិថុនា ឆ្នាំ២០១៨ វេលាម៉ោង២២និង៣០នាទីនៅចំណុចដីឡូតិ៍គ្មានលេខ ផ្លូវលំ សង្កាត់និរោធន៍ ខណ្ឌច្បារអំពៅ រាជធានីភ្នំពេញ
ករណីទី១៖ ជនសង្ស័យបានប្រព្រឹត្តបទល្មើសលួចមានស្ថានទម្ងន់ទោស (ឆក់កាបូបស្ពាយ ពណ៌ខ្មៅ ) នៅចំណុចមុខសណ្ឋាគារ THE BRIDGE ផ្លូវស្ពានហង្ស ក្រុមទី៧៨ ភូមិទី១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី០៥ ខែមិថុនា ឆ្នាំ២០១៨ វេលាម៉ោង ២១និង៣៥នាទី។
ជនរងគ្រោះឈ្មោះ WANG MENG ភេទស្រី អាយុ៣៧ឆ្នាំ ជនជាតិចិន មុខរបរទេសចរណ៍ ស្នាក់នៅបន្ទប់លេខ៧០៩ សណ្ឋាគារកាដាលីស ផ្ទះលេខ ១០៥ ក្រុមទី១ ភូមិ១ សង្កាត់បឹងព្រលឹត ខណ្ឌ ៧មករា រាជធានីភ្នំពេញ។
សម្ភារៈបាត់បង់ៈ កាបូបស្ពាយ ពណ៌ ខ្មៅមួយ, - លិខិតឆ្លងដែនមួយច្បាប់, -ប្រាក់ដុល្លារចំនួន ៥០០ដុល្លារអាមេរិក, -កាតATM ប្រទេសចិនចំនួនមួយ, -កាត ATM ធនាគារកាណាឌីយ៉ា ចំនួនមួយ, -ទូរស័ព្ទដៃចំនួន០២ គ្រឿង ម៉ាក IPhone6 ពណ៌ ខ្មៅ និងម៉ាក IPone6s ពណ៌ ស។
ករណីទី២៖ ជនសង្ស័យបានប្រព្រឹត្តបទល្មើសលួចមានស្ថានទម្ងន់ទោស (ឆក់កាបូបស្ពាយ ពណ៌ខ្មៅ ) ចំណុចផ្លូវព្រះមុន្នីវង្ស កែងផ្លូវលេខ ១៧៤ សង្កាត់បឹងរាំង ខណ្ឌដូនពេញ រាជធានីភ្នំពេញ កាលពីថ្ងៃទី១១ ខែឧសភា ឆ្នាំ ២០១៨ វេលាម៉ោងប្រហែល១៨ និង១០នាទី។ ជនរងគ្រោះមិនដាក់ពាក្យបណ្តឹង។
ករណីទី៣ ៖ ជនសង្ស័យបានប្រព្រឹត្តបទល្មើសលួចមានស្ថានទម្ងន់ទោស (ឆក់ទូរស័ព្ទដៃមួយគ្រឿងម៉ាក អាយហ្វូន ៦ ) ចំណុចមុខហាងលក់សំលៀកបំពាក់យីហោលីម ហុង ផ្លូវព្រះសីហនុ សង្កាត់ចតុមុខ ខណ្ឌដូនពេញ រាជធានីភ្នំពេញ កាលពីថ្ងៃទី១០ ខែមិថុនា ឆ្នាំ២០១៨ វេលាម៉ោងប្រហែល ២០និង៣០នាទី។ ជនរងគ្រោះមិនដាក់ពាក្យបណ្តឹង។
ករណីទី៤ ៖ ជនសង្ស័យបានប្រព្រឹត្តបទល្មើសលួចមានស្ថានទម្ងន់ទោស (ឆក់ទូរស័ព្ទដៃម៉ាក អាយហ្វូន ៦ អេស ពណ៌ ផ្កាឈូក) ចំណុចមុខបណ្ណាគារ សន្តិភាព (PBC) ផ្លូវព្រះមុន្នីវង្ស សង្កាត់បឹងត្របែក ខណ្ឌចំការមន រាជធានីភ្នំពេញ កាលពីថ្ងៃទី២៧ ខែមេសា ឆ្នាំ២០១៨ វេលាម៉ោងប្រហែល ២២និង២០នាទី។ ជនរងគ្រោះមិនដាក់ពាក្យបណ្តឹង។
ករណីទី៥ ៖ ជនសង្ស័យបានប្រព្រឹត្តបទល្មើសលួចមានស្ថានទម្ងន់ទោស (ឆក់ទូរស័ព្ទដៃម៉ាក អាយហ្វូន៦ ផ្លឹស ពណ៌ ប្រផេះ) ចំណុចមុខក្រុមហ៊ុន សួយ ឆេង វិនិយោគ ផ្លូវព្រះមុន្នីវង្ស សង្កាត់បឹងព្រលិត ខណ្ឌ៧មករា រាជធានីភ្នំពេញ កាលពីថ្ងៃទី០២ ខែឧសភា ឆ្នាំ២០១៨ វេលាម៉ោងប្រហែល ២១និង៤០នាទី។ ជនរងគ្រោះមិនដាក់ពាក្យបណ្តឹង។
ករណីទី៦ ៖ ជនសង្ស័យបានប្រព្រឹត្តបទល្មើសលួចមានស្ថានទម្ងន់ទោស (ឆក់កាបូបស្ពាយពណ៌ ខ្មៅ ) ចំណុច ផ្លូវលេខ ២៧១ សង្កាត់បឹងទំពុន១ ខណ្ឌមានជ័យ រាជធានីភ្នំពេញ កាលពីថ្ងៃទី០៣ ខែមិថុនា ឆ្នាំ២០១៨ វេលាម៉ោងប្រហែល ១៩និង៣០នាទី។ជនរងគ្រោះមិនដាក់ពាក្យបណ្តឹង។
ករណីទី៧ ៖ ជនសង្ស័យបានប្រព្រឹត្តបទល្មើសលួចមានស្ថានទម្ងន់ទោស (ឆក់ទូរស័ព្ទដៃម៉ាក អាយហ្វូន៧ ផ្លឹស ពណ៌ខ្មៅ) ចំណុចផ្លូវលេខ៥១ សង្កាត់ផ្សារថ្មីទី៣ ខណ្ឌ ដូនពេញ រាជធានីភ្នំពេញ កាលពីថ្ងៃទី១៣ ខែមិថុនា ឆ្នាំ២០១៨ វេលាម៉ោងប្រហែល ២១និង០៥នាទី។ ជនរងគ្រោះមិនដាក់ពាក្យបណ្តឹង។
ករណីទី៨ ៖ ជនសង្ស័យបានប្រព្រឹត្តបទល្មើសលួចមានស្ថានទម្ងន់ទោស (ឆក់ទូរស័ព្ទដៃម៉ាក សាំសុងអេស ៦ ពណ៌ ប្រផេះ ) ចំណុច ផ្លូវលេខ១០៥ សង្កាត់ទួលទំពូង១ ខណ្ឌចំការមន រាជធានីភ្នំពេញ កាលពីថ្ងៃទី១៥ ខែមិថុនា ឆ្នាំ២០១៨ វេលាម៉ោងប្រហែល០៥និង៣០នាទី។ ជនរងគ្រោះមិនដាក់ពាក្យបណ្តឹង។
ករណីទី៩ ៖ ជនសង្ស័យបានប្រព្រឹត្តបទល្មើសលួចមានស្ថានទម្ងន់ទោស (ឆក់កាបូបស្ពាយពណ៌ ខ្មៅ ) ចំណុចផ្លូវលេខ៣១០ ជិតលូទឹកស្អុយ សង្កាត់បឹងកេងកងទី២ ខណ្ឌ ចំការមន រាជធានីភ្នំពេញ កាលពីថ្ងៃទី១៩ ខែមិថុនា ឆ្នាំ២០១៨ វេលាម៉ោងប្រហែល ១៣និង០៥នាទី។ ជនរងគ្រោះមិនដាក់ពាក្យបណ្តឹង។
ករណីទី១០ ៖ ជនសង្ស័យបានប្រព្រឹត្តបទល្មើសលួចមានស្ថានទម្ងន់ទោស (ឆក់កាបូបស្ពាយពណ៌ ខ្មៅ ) ចំណុច ផ្លូវលេខ ២៧៤ (ផ្លូវព្រះសីហនុ) សង្កាត់វាលវង់ ខណ្ឌ៧មករា រាជធានីភ្នំពេញ កាលពីថ្ងៃទី០៨ ខែមីនា ឆ្នាំ២០១៨ វេលាម៉ោងប្រហែល ០៥និង០៥នាទី។ ជនរងគ្រោះជនជាតិ វៀតណាម ភេទស្រី មិនដាក់ពាក្យបណ្តឹង។
-ករណីទី១១ ៖ ជនសង្ស័យបានប្រព្រឹត្តបទល្មើសលួចមានស្ថានទម្ងន់ទោស (ឆក់កាបូបស្ពាយពណ៌ខ្មៅ ) ចំណុចផ្លូវលេខ ១៦៣ សង្កាត់ទួលស្វាយព្រៃ១ ខណ្ឌចំការមន រាជធានីភ្នំពេញ កាលពីថ្ងៃទី២៦ ខែឧសភា ឆ្នាំ២០១៨ វេលាម៉ោងប្រហែល ១៨និង០៥នាទី។ ជនរងគ្រោះមិនដាក់ពាក្យបណ្តឹង។
លោកនាយការិយាល័យនគរបាលជំនាញបានឲ្យដឹងថាជនសង្ស័យឈ្មោះ សោម រតនៈ ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះលេខ៦៨ ផ្លូវ៣៦៩ ភូមិជ្រោយបាសាក់ សង្កាត់ព្រែកប្រា ខណ្ឌច្បារអំពៅ។
វត្ថុតាងដកហូតៈ ម៉ូតូម៉ាកSUZUKI NEX ពណ៌ ខ្មៅ ផលិតឆ្នាំ២០១៨ លេខម៉ាស៊ីន ៣៣៨៦៥៤ ពាក់ស្លាកលេខ ភ្នំពេញ 1HC-5000។
បច្ចុប្បន្នជនសង្ស័យ និងវត្ថុតាងខាងលើ ការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមច្បាប់ ៕
ចំនួនអ្នកទស្សនា
- ថ្ងៃនេះ3521
- ម្សិលមិញ9421
- សប្តាហ៍នេះ59181
- ខែនេះ174331
- ឆ្នាំនេះ174331
- សរុប20616787